Monday, April 16, 2007

വരൂ ഫോസിലുകളോടുചോദിക്കാം

1
ഇന്നലെപെയ്തമഴയില്‍ വീട് നാലുപാടും ചേര്‍ന്നൊഴുകി
ആളും ആരവങ്ങളും ആളപായവുമില്ല
കളിവീട്ടിലുറങ്ങാറില്ലാരും!
വെളികെട്ട് വെളിപാടുകെട്ട് ഭ്രാന്തുപറഞ്ഞിറങ്ങി
'' കളിയിലല്ലകാര്യം കുട്ടിക്കുറുന്പിലാണ്''
2
ഉമ്മറപ്പടിക്കുതാഴെ ചുവരുതുരന്നൊരു റെയില്‍പ്പാളം
ഇമകളില്‍ ഒരുസ്യപ്നം ഇഴചേര്‍ത്ത്
ഇമതെറ്റാതെ
ഇഴതെറ്റാതെ
ഉഴറും തീവണ്ടികള്‍
ഇടയ്ക്കുതമ്മിലൊന്നുരസുന്പോളില്ലാരവങ്ങള്‍
ആളപായങ്ങള്‍
ഉറുന്പുനിരപോകും തീവണ്ടികള്‍ പാളം തെറ്റാറില്ല.!
3
അച്ഛനിറക്കിയതോണിയില്‍ അച്ഛനിരുന്നില്ല
ഞാനിരുന്നില്ല
ആളില്ലാതെ ആരവമില്ലാതെ ഒഴുക്കില്‍ മറയുന്നേരം
തുഴയില്ലാതോണിയിലിന്നാളപായവുമില്ല.
വാക്കിലലിയില്ല
നോക്കിലലിയില്ല ഉള്‍തിരകള്‍ ,തീരനിസ്യനംമാത്രം.
-വീടുവിട്ടിറങ്ങിയില്ലാരും
തുഴയാതോണിയുമായെത്തിയില്ലാരും
ഓര്‍മകള്‍ ചിറകുയര്‍ത്തുന്പോള്‍ ഫോസിലുകള്‍ തിരയുകയിപ്പൊള്‍

3 comments:

Pramod.KM said...

കവിത നന്നായിരിക്കുന്നു.;)

Sureshkumar Punjhayil said...

Gambheeram. Ashamsakal.

ദിനേശന്‍ വരിക്കോളി said...

നന്ദി
പ്രമോദ്
സുരേഷ്.
കവിതവയിക്കുകയും നിങ്ങളുടെ വിലയേറിയ അഭിപ്രായം അറിയിക്കുകയും ചെയ്തതിന്...
സസ്നേഹം.